Антонио Конте ќе изврши неколку измени во екипата на Челси во оваа сезона во однос на минатата. Дали вака ќе изгледа неговата стартна постава?
Антонио Конте конечно е претставен во Челси, многумина сметаат дека тој е вистинско решение за таков клуб и дека сигурно ќе биде трофеен со Сините.
Во клубот стигна само едно засилување засега, тоа е Мичу Бачуаји кој стигна од Марсеј и кој ќе претставува конкуренција за Диего Коста во самиот напад.
Сепак, се зборува за многу засилувања покрај него, а најблиску до Стенфорд Бриџ е Н`Голо Канте.
Овој дефанзивен играч за врска може да го завземи местото на Немања Матиќ во стартната постава, а српскиот фудбалер се повеќе се поврзува со Манчестер Јунајтед, Јувентус и останатите гиганти од светскиот фудбал.
Куртоа дефинитивно ќе биде прв голман и во наредната сезона, а во одбраната местата се резервирани за Ивановиќ и Аспиликуета. Џон Тери ќе остане уште една година во клубот, Кејхил истотака е тука, а навивачите на Челси голема надеж положуваат и во Курт Зума.
Многумина очекуваат засилување на позиција стопер, се споменуваше Бонучи, но од тоа дефинитивно нема да има ништо. Се чека некој друг, а дали е тоа Џон Стонс, останува да видиме.
Да не го заборавиме ни Мет Миазга кој истотака е во тимот.
Средината на теренот ќе биде освежена со Канте, ако се точни сите пишувања на англиските медиуми. Тој ќе придонесе доста на средината на теренот, се расботи за играч кој е многу благодарен и кој најверојатно ќе биде во првиот тим наместо Немања Матиќ.
Фабрегас е тука, да не заборавиме ни на Лофтус Чик, Микел сеуште не замине. Да не заборавиме, од позајмица во Челси се врати и Данило Пантиќ, но сигурно нема да добие шанса веќе чека да биде позајмен во друг тим.
Офанзивни играчи за врска има доста, Вилијан е незаменлив, баш како и Азар, Педро и Квадрадо се во екипата, Оскар и Кенеди истотака, како и Траоре. Да не заборавиме ни на Марко Марин кој се врати од позајмица од Турција.
Во нападот, засега, Конте има неколку опции ,сигурни сме дека Диего Коста ќе биде прв избор, вториот е Бачуаји, Лоик Реми и понатака е играч на Челси, не смееме да го заборавиме ни Соленка кој сеуште не договори позајмица за наредната сезона и миже да добие шанса во првиот тим.
Значи, вака треба да изгледа Челси за наредната сезона:
Точно е дека Конте форсира формација 3-5-2 во својата ка риера, но истакна по доаѓањето во Челси дека тој е кој треба да се прилагоди на екипата и на натпреварувањето, па медиумите во Англија очекуваат да игра 4-2-3-1.
Но, немојте да ве зачуди и ако ја игра и прво споменатата.
