Диск голф го освојува светот, а го нема во Македонија!? ↓↓↓
Навивачката група на Вардар, „Комити“ објави мобилизација за помош во гаснењето на пожарите во Македонија.
Собирот на членовите кои сакаат да помогнат е 17 часот кај „Шарлота“, а половина час подоцна ќе тргнат кон Свети Николе за да помогнат во гаснењето.
„ТРИБИНАТА-ЗА ТАТКОВИНАТА!
Републиката е повторно во пламен. Ние сме подготвени за борба!
Групата прогласува ОПШТА МОБИЛИЗАЦИЈА на членството и ги повикува сите кои сакаат да помогнат!
Собирот започнува утре во 17:00ч
Локација: Шарлота
Дојдете со автомобили, и носете со себе:
・Чизми, маски за лице и капа
・Долги пантолони (не памучни)
・Шишиња со вода
・Лопати и гребла
・Мокри кебиња за безбедност
НАПОМЕНА: Организиран превоз нема. Затоа дојдете со што е можно повеќе автомобили. Ќе се организираме!
Тие кои не можат да дојдат, нека донираат опрема и се што можат од горе наведеното.
Во 17:30ч. ќе се упатиме сите заедно кон Свети Николе, каде што во моментов пожарот уништува цели животи на луѓе.
Веднаш започнете со организација и мобилизација. Одиме сите заедно – за македонски градови и села!
ПРВИ ДА ТЕ БРАНИМЕ“, соопштија „Комити“.
