Последно коло - кој шампион, кој во ЛШ, кој со награди на Fantasy!? ↓↓↓
Антонио Конте изјави дека е „многу тешко да се победи со Наполи“, но и дека ова беше „исклучителна сезона“ во којашто „момците заслужуваат признание“, откако освоија титула во Серија А во последното коло во сезоната 2024/25.
Наполи е новиот шампион на Италија по победата со 2:0 против Каљари во петокот вечерта. Интер истовремено го совлада Комо на гости со ист резултат, но не успеа да ја надомести предноста на Наполи во борбата за Скудетото. Конте стана вториот тренер во историјата кој освоил Серија А со три различни клуба, следејќи ги стапките на легендарниот Фабио Капело, откако претходно бил шампион со Јувентус и Интер.
„Повторно се случи и тоа е нешто прекрасно. Кога пристигнавме на стадионот, беше тешко да влеземе воопшто внатре, не знам колку луѓе имаше. Помислив, ако ги разочараме, ќе ја носиме таа тежина долго“, изјави Конте на прес-конференција по натпреварот.
Ќе остане ли Конте на клупата и следната сезона? „Уживаме во овој момент. Имам добар однос со претседателот. Да кажеме дека преку оваа сезона се запознавме: и двајцата сме победници. Можеби различни, но и двајцата сме победници.“
Фото: Грок АИ
