Кошаркар на Мајами застана во одбрана на Јокиќ: Тој не е лош човек, има добар карактер!

Центарот на Денвер нагетс, Никола Јокиќ заработи исклучување поради ударот врз Маркиф Морис на мечот против Мајами хит.

Кошаркарот на тимот од Флорида, Јудонис Хаслем беше еден од тие кои застанаа во одбрана на Србинот и по мечот дадоа коментар за инцидентот.

„Во вакви ситуации често влијание имаат емоциите. По неколку дена сите го сакаме тоа што е најдобро за нас. Јокиќ не е лош човек. Всушност го сакам како кошаркар и личност. Мислам дека е добро момче. Не мислам дека имаше намера некого да повреди“, вели Хаслем.