Коста се враќа во Премиерлигата, но не во Лондон!?

Поранешниот фудбалер на Челси, Диего Коста ќе се врати во Англија, зашто во Атлетико Мадрид пристигна Жоао Феликс, а исто така и Алваро Мората беше откупен, па место за Бразилецот со шпански пасош нема во шпанскиот клуб.

Клубот сака да го продаде Коста, но најпрво поради однесувањето, зашто неговото враќање од Челси се покажа како промашување.

Коста сега има шанса да се врати во Англија, но не во Лондон, туку во Евертон, кој бара напаѓач.

„Карамелите“ го откупија Андре Гомеш од Барселона, па планираат да го откупат и Фабијан Делф од Манчестер сити, по што ќе тргнат по потписот на Коста.