До кога ќе дишеме отровен воздух!? | Уште еден поткаст ↓↓↓
Хрватската фудбалска репрезентација ќе игра во таканаречената група на смртта од Лигата на нации. При ждребањето, топчињата им донесоа спектакли со Шпанија и Англија, како и со Чешка.
Веќе на прв поглед е јасно дека ни претстои пеколен распоред против две фудбалски сили, но и Чешка која може да биде неудобен противник. Познатиот шпански лист AS ја анализираше групата и детално ги разгледа „огнените“ со пораката дека “се ближи крајот на една ера”, но дека тие се “многу опасни”.
Угледниот мадридски лист истакнува дека хрватската „златна ера“, која од 2018 година донесе финале на Светското првенство, полуфинале во Катар и финале на Лигата на нации, е при крај.
“Златната генерација на Хрватска се приближува кон крајот. Годината на клучните играчи како Модриќ и Перишиќ станува сè поголем фактор, а по Светското првенство 2026, репрезентацијата ја очекува реконструкција”, пишува AS.
Притоа особено се осврнати на капитенот: “Модриќ ќе реши за својата иднина кога ќе има 40 години по Светското првенство 2026. Додека игра, сè во Хрватска се врти околу него.”
Шпанците како потенцијален наследник го гледаат играчот од средниот ред на Интер, Петар Сучиќ.
