Зошто проблемот со улични кучиња СÈ УШТЕ постои? | Уште еден поткаст ↓↓↓
Арсенал наводно направи голем чекор кон доведување на една од најголемите ѕвезди на светскиот фудбал.
Според информациите објавени од многу доверливи извори блиски до клубот, Топџиите постигнаа начелна согласност за личните услови со Винисиус Жуниор.
Веста ја објавија HandofArsenal и MrArsenicTM, извори кои со години ги следат настаните во Арсенал и кои се меѓу најпочитуваните кога се во прашање информациите поврзани со лондонскиот клуб. Нивните објави често претходат на официјалните потврди, поради што навивачите на Арсенал со посебно внимание ги следат.
Сепак, евентуалниот трансфер на бразилскиот репрезентативец би бил се, освен едноставен. Како што се наведува, тимот на застапници на Винисиус, односно Roc Nation, е подготвен да започне преговори со Реал Мадрид, а Арсенал би влегол во целата приказна со огромна понуда.
Доаѓањето на Винисиус на Емирејтс би претставувало една од најголемите трансфер бомби во историјата на клубот. Бразилецот со години е еден од клучните играчи на Реал Мадрид, со кој освоил бројни трофеи и станал едно од заштитните лица на европскиот фудбал.
