Лејкерс по 10 години се избори за финале на Западот (ВИДЕО)

Првпат уште од 2010 година Лос Анџелес Лејкерс ќе игра финале на Западната конференција, откако во полуфиналниот дуел го исфрлија Хјустон рокетс.

Лејкерс во петтиот меч славеше со убедливи 119-96, па така стигна до 4-1 во плејоф-серијата.  Леброн Џејмс и соиграчите по првата четвртина имаа +15 (35-20) и уште тогаш можеше да се претпостави кој ќе биде победник.

Во еден момент беше и +30 (101-71) на стартот на последната четвртина, по што без многу проблеми Лејкерс се избори за финале.

Џејмс повторно играше на високо ниво и постигна 29 поени, 11 скокови и седум асистенции, а имаше поддршка од Кајл Кузма со 17 поени. Најдобар кај Хјустон беше Џејмс Харден со 30 поени.