Луис Суарез или Един Џеко?


Анде Јанков - македонски автор: Тајните на пишување добар крими роман!? ↓↓↓


Торински Јувентус сака што побрзо да донесе нов напаѓач.

Постојат два главни кандидати за позицијата напаѓач во редовите на Старата дама, а тоа се Луис Суарез и Един Џеко.

Напаѓачот на Босна и Херцеговина е главната желба на новиот тренер на Бјанконерите, Андреа Пирло. Тој го смета за идеален напаѓач за неговиот систем на игра и одамна започнаа преговорите за неговиот ангажман.

Сепак, ништо не се случи во последните неколку дена. Џеко договори се со италијанскиот шампион, но засега преговорите ги отежнува Рома, која нема договорено негова замена.

Италијанските медиуми тврдат дека во моментот ништо не се случува во врска со трансферот на Един Џеко во Јувентус и дека тоа на крајот може да го донесе Луис Суарез во Торино.

Клупскиот спортски директор Фабио Паратичи веќе разговарал со уругвајскиот напаѓач. Договорени се сите услови и во овој случај тој чека разделба со Барселона, за која сè уште не е договорено.

Џеко е фаворит на Андреа Пирло, но Паратичи, од друга страна, сака да го затвори рокот за трансфери што е можно поскоро пред почетокот на новата сезона, а тоа на крајот може да го чини Џеко трансфер во Јувентус.

Следните неколку дена ќе бидат клучни во овие трансфери и тогаш ќе се знае кој ќе го носи дресот на Старата дама со број 9.