Шанса да станеш YouTuber! Приклучи се! ↓↓↓
Напаѓачот на Интер, Ромелу Лукаку не испушти шанса повторно да го испровоцира неговиот ривал од Милан, Златан Ибрахимовиќ.
Интер по пауза од 11 години го освои Скудетот, а еден од најзаслужните за тоа беше токму белгискиот напаѓач.
„Титулата припаѓа на екипата, навивачите, тоа не е моја титула. Јас им помагав за да ја освојат. Се надевам дека вака ќе продолжиме и во иднина и ќе освоиме уште многу трофеи“, кажа Лукаку.
Лукаку знаеше и како да го испровоцира Швеѓанецот, со кој имаа неколку пресметки во текот на сезоната.
„Ибра е одличен фудбалер, освои многу трофеи. Постигна повеќе од 500 голови, ни требаат такви фудбалери, но тој е играч кој игра за себе, а не за екипата. Роналдо и јас играме за нашите тимови“, објасни Белгиецот.
