Шанса да станеш YouTuber! Приклучи се! ↓↓↓
Македонскиот тренер, Влатко Андоновски денеска и официјално беше претставен како нов предводник на светскиот фудбалски женски шампион, селекцијата на САД.
Американките важат за најдобри во женскиот фудбал, а фудбалерките кои пред помалку од една година го освоија светот притискале нашиот стратег да биде нивен следен селектор.
Андоновски веднаш ќе почне со работа и првиот натпревар ќе го има веќе на 7 ноември кога САД ќе се соочи со Шведска, за три дена подоцна да одигра и со Коста Рика.
Првиот посериозен предизвик ќе го има во квалификацискиот турнир на Конкакаф за Олимписките игри и истиот ќе биде од јануари до февруари следната година.
„Ова е голема чест и сум многу возбуден што ќе почнам да работам со оваа група играчи и стручен штаб и се надевам дека ќе го продолжиме успехот. Сите тренери и играчи кои поминале тука изградија легендарна традиција на совршеност и јас сум посветен да го продолжам тоа“ –истакна Влатко Андоновски на промоцијата.
From: Vlatko
To: You, the Best Fans in the World#OneNationOneTeam pic.twitter.com/VLv7ZuQR2q— U.S. Soccer WNT (@USWNT) October 28, 2019
