Шанса да станеш YouTuber! Приклучи се! ↓↓↓
Македонската фудбалска репрезентација вечерва од 20.45 часот на гостински терен во Порто ќе се соочи против Португалија во битката за пласман на Мундијалот во Катар.
„Црвено-жолтите“ се подготвени за големиот предизвик, откако претходно ја елиминираа Италија во Палермо, па сега се надеваат на нов голем и историски успех за репрезентацијата.
Кристијано Роналдо вчера предупреди дека воопшто нема да им биде лесно против Македонија затоа што е организирана екипа и заслужува голема почит.
Македонските фудбалери вечерва ќе треба да покажат квалитет на теренот и да се обидат да го елиминираат фаворитот во 90 или 120 минути.
Ова би бил втор голем успех за македонската селекција, која минатото лето настапи на Европското првенство за првпат во историјата.
