Сакаш да снимаш видеа и да заработуваш од тоа? ТЕБЕ ТЕ БАРАМЕ! ↓↓↓
Напаѓачот на Ливерпул, Садио Мане не би имал ништо против да остане на „Енфилд“ до крајот на кариерата. Тој стигна од Саутемптон во 2016 година и од тогаш е еден од нивните најдобри фудбалери.
Мане игра одлично во екипата на Јирген Клоп, а тоа го привлече вниманието на Реал Мадрид, кој наводно е подготвен да плати многу пари за неговиот потпис.
„Многу сум среќен што сум дел од овој одличен клуб и уживам во него. Би сакал да останам тука засекогаш. Бев во некои клубови ширум светов, но Ливерпул е единствен. Го чувствувам како семејство“, кажа 27-годишниот фудбалер.
Мане сезонава на 14 меча постигна девет гола и четири асистенции, а во минатото коло изнуди пенал против Тотенхем.
