„Марка“ – Атлетико спрема „напад“ на ѕвездата на ПЛ

Јорганџиите веќе некое време се во потрага за напаѓач, но безуспешно.

„Чукаа“ на вратата на Челси и прашаа дали може да го вратат Диего Коста на Висенте Калдерон.

Конте отсечно рече “НЕ“, и така Шпанецот со бразилски корени останува на Стенфорд Бриџ.

Интерес покажаа и за Гонзало Игуаин, нудеа на Де Лаурентис 60 милиони евра и неколку играчи, но контроверзниот сопстевник на Наполи тоа го одби, велејќи дека се задоволни со само со сумата која е потребна да се отклучи откупната клаузула во договорот на Игуаин.

Сега „Чоло“ и неговите соработници се свртија кон Ливерпул, поточно кон екипата на Евертон.

Како што шпанска “Марка“ јавува, заинтересирани се во своите редови да го доведат Ромелу Лукаку!

08467625492780020160618160657 (1)

Конкретна понуда не е испратена на „Гудисон“ но се „шушка“ дека луѓето веќе отпочнаа разговори со фудбалските луѓе, за евентуален премин на Белгиецот на Висенте Калдерон.

Лукаку може да започне и лавина на “пазари“  бидејќи и Челси е заинтересиран да го врати.

Доколку се врати на Стенфорд Бриџ, тоа значи дека Диего Коста е вишок, бидејќи неодамна стигна  и Мичу Бачуаји.

Со самото тоа, Атлетико ќе ја исполни старата желба, а тоа е Диего Коста да се врати „дома“ во Мадрид.

Интересно е дека мадридските ривали Атлетико и Реал, соевремено беа заинтересирани за Лукаку, но „пред носот„ им го грабна Евертон.