Килијан Мбапе синоќа во Париз ја претстави својата организација која со финансиска помош ќе им помага на децата кои имаат меѓу осум и 16 години.
Како дел од церемонијата Мбапе доби прашања од публиката, како и за тоа кој му е фудбалски идол, а одговорите ги израдуваа сите навивачи на Реал Мадрид.
„Во секоја фаза од животот имав друг идол. Како дете тоа беше Зинедин Зидан, а потоа Кристијано Роналдо“, кажа Мбапе.
Секако, Зидан е тренер на „кралевите“, а Роналдо играше претходно во шпанскиот гигант, по што Мбапе доби прашање дали ќе го напушти ПСЖ.
„Сите зборуваат за Реал, кога бев млад, но сега сум играч и не е вистински момент за преселба. 100% сум посветен на ПСЖ и сакам да му помогнам на клубот да освои многу трофеи. Клубот ми помогна, зашто тука стигнав на 18 години, кога бев голем талент, но не бев ѕвезда“, порача Мбапе.
