Селекторот на Македонија, Благоја Милевски кажа дека треба да се погледне реалната слика за тоа во каква состојба ни се наоѓа фудбалот.
Македонија не се прослави на последните настапи, а притоа доживеа и пораз од 0-7 против Англија.
Милевски смета дека поразот од „Гордиот Албион“ не бил лош затоа што нè спуштил на земја и ни ја покажал реалноста.
„Да не се лажеме. Македонија не е велесила. Тоа е реалноста. Супер ни се очекувањата, но реалноста е поинаква. Македонија може да биде добра само ако функционира како тим и наша должност е сите да се ставиме во функција на тимот. Факт е дека постојано ни недостигале важни фудбалери, но изборот е тој и тоа е реалноста“, вели Милевски.
