Тренерот на Фенербахче, Жозе Мурињо, се наоѓа во незавидна ситуација, бидејќи поради расистички коментари по истанбулското дерби му се заканува шестмесечна суспензија, пренесуваат турските медиуми.
Иако за португалскиот стручњак е познато дека е темпераментен и дека во последниве две децении тоа тешко било прифатливо, впечатокот е дека во понеделникот попладне отишол еден чекор подалеку кога искажал расистички коментари кон клупата на Галатасарај.
Мурињо го споредил скокањето на противничката клупа со мајмунско однесување, а имал и посебен коментар за судењето, навредувајќи ги домашните судии со оглед на тоа дека правдата ја делел словенечкиот судија Славко Винчиќ.
Веќе во вторникот, Галатасарај најавил судски процес против Мурињо и барање правда до највисоките инстанци во фудбалот, а под тоа подразбираме обраќање до УЕФА и ФИФА.
