Анде Јанков - македонски автор: Тајните на пишување добар крими роман!? ↓↓↓
Поранешниот шпански тенисер Рафаел Надал, ја отвори душата и зборуваше за животот по пензионирањето, признавајќи дека од ноември не ни допрел рекет и дека го изгубил она што го дефинираше со години – натпреварувачкиот дух.
Надал се повлече од професионалниот тенис на Завршницата на Дејвис купот 2024 година, по поразот од Холанѓанецот Ботик Ван де Зандшулп, со резултат 6:4, 6:4.
Зборуваше и за своите почетоци, кога го тренираше чичко му Тони уште од тригодишна возраст:
– Пораснав во семејство кое ми даваше поддршка, но не и дополнителен притисок. Кога ќе дојдат тешки моменти, она што си го научил порано ти помага да се справиш со нив.
Откри и детали за синдромот на Мулер-Вајс, хроничен проблем со стопалото кој го мачи уште од 2005 година:
– Неколку лекари ми рекоа дека никогаш повеќе нема да играм. Имав 19 години… На крај, решението беше да носам специјални влошки и патики со седум милиметри дополнителна поддршка. Го спасивме стопалото, но остатокот од телото беше уништен.
