Кристијано Роналдо, познатиот португалски репрезентативец, изјави дека по крајот на својата фудбалска кариера нема намера да влезе во тренерските води.
Во пресрет на неговиот 40. роденден, Португалецот е свесен дека неговата импресивна кариера се ближи кон својот крај. Прашањата за неговите планови по пензионирањето се природни и очекувани.
Роналдо рече дека нема интерес за тренерската работа, но му е привлечна идејата да биде сопственик на фудбалски клуб.
„Мислам дека би имало повеќе смисла за мене да бидам сопственик на клуб, отколку да станам тренер. Имам интерес за тоа, и тоа би било следниот чекор по моето пензионирање“, изјави Роналдо.
