Зошто проблемот со улични кучиња СÈ УШТЕ постои? | Уште еден поткаст ↓↓↓
Фудбалерот на Челси Жоао Педро ќе потпише нов договор со тимот до 2032 година, со можност за продолжување на соработката за уште две години, пренесуваат денеска британските медиуми.
Бразилецот, 24-годишен напаѓач, дојде на Стемфорд Бриџ минатото лето од Брајтон за 55 милиони фунти и дополнителни пет милиони бонуси. Кога потпиша, клубот соопшти дека договорот трае до 2033 година, но всушност договорот беше до 2032 година со опција за продолжување за уште една година, објави Би-Би-Си (BBC).
Челси обично вклучува опции на клубот кога во официјалните соопштенија го наведува траењето на договорите на играчите.
Затоа, кога новиот договор на Педро ќе биде потврден, најверојатно ќе биде објавено дека тој е под договор до 2034 година, иако самиот договор трае до 2032 година, со дополнителна опција за продолжување на уште две години.
