Шанса да станеш YouTuber! Приклучи се! ↓↓↓
Фудбалот одамна беше запрен во најголемиот дел од Европа, поради пандемијата на коронавирусот. Запрен беше и во Русија, која исто така во целта на борбата против вирусот воведува различни мерки.
Сепак, се играше фудбал во Русија во поголемиот дел од март, а лидерот на табелата на рускиот шампионат не сакаше наградата за најдобар играч на месецот да остане во клубот.
Навивачите го прогласија Бразилецот Малком за најдобар во месец март, а поради тоа што не се препорачува излегување од дома ниту во Русија, наградата на фудбалерот му беше донесена низ прозорец.
Малком доби порака да го отвори прозорецот, а потоа во неговиот стан влета дрон, кој му ја донесе наградата.
