Најдобриот тенисер во светот Новак Ѓоковиќ потврди дека ќе игра на Австралијан опен, откако со недели се шпекулираше за тоа дали Србинот ќе замине за Мелбурн поради строгите ковид-протоколи.
Две недели пред почетокот на првиот гренслем-турнир во сезоната, Ѓоковиќ доби медицински исклучок и потврди дека ќе патува за Австралија, каде што ќе се обиде да стане најтрофеен по број на гренслем-титули во историјата.
„Среќна Нова година. Ви посакувам многу здравје, љубов, радост и среќа. Да видите, дишете и мислите љубов и да негувате почит кон секоја личност. Сега заминувам во Австралија затоа што добив исклучок и подготвен сум да живеам и да дишам тенис во следните недели. Ви благодарам на поддршката“, напиша Ѓоковиќ.
