Ќе го решиме проблемот со отпадот ако го гледаме како ресурс, а не како ѓубре! | Уште еден поткаст ↓↓↓
Генералниот секретар на УЕФА, Џорџо Маркети, изјави на Фудбалскиот самит во Португалија дека новиот формат на Лигата на шампионите ги исполни очекувањата, носејќи поголема динамика, разновидност и фер услови за сите клубови.
„Одлуката за промената на форматот беше донесена по долги преговори со сопствениците и клубовите. Се водевме со идејата за подобар квалитет, инклузија на клубови од помали земји и поголем баланс и непредвидливост“, рече Маркети.
Според неговите зборови, целта на UEFA беше да се избегне повторување на истите парови и да се насочи натпреварувањето повеќе кон навивачите.
„Сега секој тим игра против осум различни ривали, што внесува повеќе динамика и возбудување“, додаде Маркети.
Тој истакна дека новиот формат, кој е воведен по 21 година, донесе поголем баланс меѓу тимовите.
„Во стариот формат имаше групи со големи разлики во коефициенти, додека сега просечната разлика е 11. Новиот систем е фер и возбудлив“, наведе генералниот секретар на UEFA.
Маркети оцени дека промените донеле позитивни ефекти и во поглед на натпреварувачката неизвесност.
„Клубовите поминуваат низ успеси и падови, промените на табелата се поизразени, а последното коло станува своевиден климакс бидејќи 25 од 36 клубови имаат за што да играат“, рече тој.
