До кога ќе дишеме отровен воздух!? | Уште еден поткаст ↓↓↓
Во понеделник од 20.45 часот на „Марадонa“ се игра големото дерби на 31. коло од Серија А помеѓу Наполи и Милан, а на овој натпревар ќе се одлучи кој од овие два клуба останува во трката за Скудетото со Интер.
Пред ова коло, Милан заостанува шест поени во однос на својот градски ривал, додека бранителот на титулата Наполи е на -7 од лидерот. Треба да се напомене дека Интер има тежок натпревар со Рома.
Навивачите на Милан добија сјајна вест пред натпреварот во Неапол, а таа е дека еден од најдобрите играчи на тимот, Рафа Леао, се врати на тренинзи и би можел да биде подготвен.
Сепак, враќањето на Леао не му гарантира место во почетниот состав, бидејќи се претпоставува дека тренерот Масимилијано Алегри има дилема помеѓу него и Кристофер Енкунку.
