Пред дербито, падна најважниот потпис во Манчестер Сити! ↓↓↓
Македонските ракометари денеска се одмазија за поразот во Кожани, откако во Струмица славеа со 27-23 против Грција во рамки на шестото, а воедно и последно коло од квалификациите за Европското првенство (ЕП) во 2020 година.
Нашите ракометари имаа лош старт на натпреварот, па јужниот сосед водеше со два гола во почетните минути, а во еден момент стигнаа и до +3 (7-4). Сепак, првото израмнување стигна во финишот кога Македонија израмни на 9-9, а потоа направи и пресврт, па на полувреме амина со предност од 13-11.
Во вторите 30 минути се водеше голема борба меѓу ракометарите на паркетот во Струмица, а Македонија ја одржуваше предност од два гола до средината на второто полувреме (19-17). Сепак, тука нашите ракометари го скршија јужниот сосед, па стигнаа до +6 (23-17).
До крајот на мечот се водеше израмнета борба, а Македонија на крајот славеше со 27-23 и така го освои првото место во групната фаза од квалификациите, по што се очекува поволна ждрепка за ЕП.
