Време е за Boxing Day! И време е за Wildcard на Fantasy Premier league! ↓↓↓
Саудиска Арабија се претвори во атрактивна дестинација за фудбалерите кои сакаат да заработат значителни суми, но не сите го прифаќаат ова со воодушевување. Еден од таквите е португалскиот фудбалер Жоао Кансело, кој, според последните информации, со желба и ентузијазам се стреми кон враќање во Европа, конкретно во редовите на Барселона.
Минатото лето, Манчестер Сити го продаде Кансело на Ал-Хилал во Саудиска Арабија за 25 милиони евра. Пред тој трансфер, португалскиот бек една сезона играше како позајмен играч во Барселона, каде што успеа да остави силен впечаток.
Во каталонскиот клуб, Кансело не само што прикажуваше стабилни и квалитетни настапи, туку се чувствуваше и одлично како дел од тимот. Затоа, разделбата со Барселона не му беше лесна, особено бидејќи тој изрази јасна желба за останување на „Камп Ноу“.
Но, летниот преоден рок не донесе договор меѓу Барселона и Манчестер Сити околу неговиот конечен трансфер, па Кансело се пресели во Саудиска Арабија. Сепак, според шпанскиот спортски медиум „Спорт“, половина година по неговото заминување, Кансело е решен да направи сè што е потребно за повторно да го облече дресот на Барселона.
