Уште еден поткаст! Fat Cacko: Од гитара до Fat kitchen bistro и најдобриот бургер во градот ↓↓↓
Европскиот шампион Вардар нема многу време за одмор по мечот против Порто во Лигата на шампиони, кој го доби со 32-27, па утре го очекува дуел против Нексе во СЕХА-лигата.
„Црвено-црните“ ги очекува тежок предизвик во регионалната лига, а тренерот Давид Писонеро кажа дека планира да им даде шанса на сите ракометари, но дека тоа ќе зависи од резултатот.
„Имаме навистина густ распоред и тоа е голем проблем за нас. Но, во секој случај сакам во дуелот против Нексе да им дадам шанса на сите ракометари, но многу работи ќе зависат од резултатот. Проблем во моментов е тоа што не можеме да сметаме на Стоилов или Толедо, па затоа утре ќе играат повеќе ракометари“, објасни Писонеро.
