Кој ќе тепа на Ел Класико!? ↓↓↓
Третото коло во ПМФЛ започнува утре со натпреварот меѓу Беласица и Шкупи, а главен судија ќе биде Јован Качевски од Струга.
Ецкоски Марјан ќе ја дели правдата на натпреварот во Ѓорче помеѓу Македонија ЃП – Шкендија, а на натпреварот Ренова – Академија Пандев главен судија ќе биде нашиот најдобар интернационалец Александар Ставрев. И двата натпревари се играат во сабота поради европските обврски на Шкендија и Ренова.
На останатите средби што се играат во недела, Јосип Бартон ќе ја дели правдат на средбата на нашата национална арена Тодор Проески меѓу Вардар и Силекс, а Димитар Мечкаровски ќе суди на мечот Пелистер – Работнички. Марјан Гоцевски ќе биде делител на правдата во Струга помеѓу Струга Трим Лум и велешки Борец.
