Улични кучиња: Системски или човечки проблем? | Уште еден поткаст ↓↓↓
Бившиот НБА кошаркар Дејмон Џонс треба во вторник да ја признае вината по обвиненијата дека учествувал во наместени покер партии и пренесувал доверливи информации за повредите на познати играчи на спортските обложувачи, вклучувајќи го и поранешниот соиграч Леброн Џејмс.
Како што пренесуваат американските медиуми, Џонс така ќе стане првата личност која признала вина во големата истрага за незаконското обложување, во која се уапсени повеќе од 30 лица, меѓу кои се наводни членови на криминални групи и поединци од светот на кошарката.
Обвинителството наведува дека Џонс продавал или се обидувал да продаде доверливи информации за здравствената состојба на играчите, вклучувајќи го и Ентони Дејвис, со што им овозможувал на обложувачите да остваруваат нелегална добивка.
Во одделен дел од случајот, обвинет е и за учество во наместени покер партии, во кои биле користени софистицирани методи на измама, како модифицирани машини за мешање карти, скриени камери и посебна опрема за следење на карти.
