Пресврт: Агуеро го напушта Манчестер сити, но останува на Островот?

На крајот на сезоната Манчестер сити ќе остане без услугите на Серхио Агуеро, чиј договор завршува и нема да биде продолжен.

Агуеро се поврзува со многу клубови, а наводно има веќе и многу понуди од Островот, па Аргентинецот планира да остане во Премиерлигата.

„Телеграф“ објави дека 32-годишниот напаѓач во моментов размислува за Тотенхем и Челси, клубови кои сакаат да го ангажираат.

Агуеро поради желбата да остане во Англија е подготвен да се пресели и во клуб кој следната сезона нема да игра во Лигата на шампиони (ЛШ).

Аргентинскиот напаѓач за Сити одигра 384 меча и постигна 257 голови и учествуваше во најголемите успеси на премиерлигашот.