Зошто проблемот со улични кучиња СÈ УШТЕ постои? | Уште еден поткаст ↓↓↓
Челси направи вистинска чистка во напаѓачката линија во изминатите неколку дена. Лондонскиот клуб реализираше четири продажби на напаѓачи, од кои вкупно инкасираше дури 125,5 милиони евра.
Прв од „Стемфорд Бриџ“ си замина Лијам Делап. Англичанецот на 27 август го засили Нотингем Форест, а Челси од неговата продажба заработи 52,5 милиони евра.
Само кратко потоа беше реализиран и трансферот на Никола Џексон. Сенегалскиот напаѓач го напушти Лондон во зделка вредна 55,5 милиони евра, со што клубот оствари уште еден значаен приход.
Во меѓувреме, Челси го финализираше и заминувањето на Давид Датро Фофана. Напаѓачот не успеа да се наметне во тимот и по периодот поминат во клубот замина за 2,5 милиони евра.
Последен во низата е Марк Гиу. Шпанскиот напаѓач кариерата ќе ја продолжи во германскиот фудбал, откако постигна договор за преселба во Лајпциг во трансфер вреден 15 милиони евра.
