Диск голф го освојува светот, а го нема во Македонија!? ↓↓↓
Џејдон Санчо најверојатно ќе ја напушти Борусија Дортмунд на крајот на оваа сезона, со англиските медиуми уверени дека негова нова дестинација ќе биде Манчестер Јунајтед.
Веќе некое време се шпекулира дека Санчо сака да се врати во Англија, откако се пресели од Манчестер Сити во Дортмунд пред три години. Тогаш англискиот клуб го донесе за „само“ осум милиони евра и јасно е дека тие сега ќе заработат значително повеќе.
Санчо има желба да се врати во Премиер лигата, да му докаже на Сити дека направиле грешка што не му дадоа шанса во првиот тим. Овој 20-годишник се поврзува со Ливерпул и Челзи, но многумина веруваат дека изборот на крајот ќе падне на Манчестер Јунајтед.
„Мирор“ утрово пишува дека Санчо веќе им открил на своите пријатели дека ќе се врати во Манчестер, но не во Сити, туку во Јунајтед. Наводно, тој веќе постигнал договор со „црвените ѓаволи“ и сега чека летен рок да стане официјално.
Пред неколку дена беше објавено дека Јунајтед му ветил на Санчо дека ќе носи дрес број седум, а што останува од сето ова останува да се види.
