Се огласи Рудигер со коментар за расистичките навреди на навивачите на Тотенхем

Синоќа се одигран натпреварот помеѓу Тотенхем и Челзи, во кој гостите победија со 2:0.

Еден од најинтересните моменти се случија во средината на второто полувреме кога беше исклучен домашниот играч, Сон.

Имено, тој намерно со нога го удри Рудигер, кој по контактот падна, а по гледање на ВАР, одлучено е Сон да биде исклучен.

Домашните навивачи не се согласија со одлуката на судијата, па потоа со шише го погодија голманот на гостите, Кепа, а потоа и расистички го навредуваа Рудигер.

Играчот на Челзи по натпреварот одлучи да се огласи на својот Твитер профил.

“Многу е тажно кога гледаме расизам на фудбалски натпревар, но многу тажно е тоа што јавно го коментираме. Доколку тоа не се случи, се ќе биде заборавено за неколку дена, како и секогаш”, напиша Рудигер.