Седлоски: Играм против квалитетен тим, но подготвени сме да одиграме најдобро што можеме!


Вака се слави гол во 120-та минута!!! ↓↓↓


Македонскиот шампион Шкупи утре ќе се соочи против косовски Балкани во првиот меч од плејофот за настап во групната фаза на Конференциската лига.

Тренерот Гоце Седлоски е свесен дека ги очекува тежок натпревар против ривалот од Косово.

„Добро е што ќе ги имаме сите играчи на располагање. Немаме повредени и казнети и очекувам да се прикажеме во најдобро издание, мислам дека сме способни за такво нешто. Гледам за што се способни играчите овие денови и ќе видиме како ќе изгледаме на утрешниот натпревар. Балкани е квалитетен противник, не може да е поинаку кога стигнале до оваа фаза“, изјави Седлоски.

Седлоски кажа дека го анализирале противникот и се надева на триумф.

„Добро ги анализиравме, пред месец ипол игравме пријателски натпревар во Струга и кажав дека се квалитетни, а тоа што нивниот тренер изјавил дека ќе се пласираат во групите…Секој си има свои желби и идеи, но сето тоа треба и на терен да се потврди. Не сакам сега да зборувам за нив, играчите ќе излезат на терен и ќе видиме после 180 минути кој ќе оди во групите“, изјави Седлоски.

Фото: ФК Шкупи