Селта ја одреди цената за Нолито


Кој ќе тепа на Ел Класико!? ↓↓↓


Шпанскиот фудбалер Нолито ова лето сигурно ќе замине од Селта, порача претседателот на клубот Карлос Мурињо.
Овој 29 годишен напаѓач во Селта пристигна во 2013 година од Граната и за овој шпански клуб постигна 39 погодоци на 103 натпревари.

Нолито посебно блескаше во неодамна завршената сезона во која одигра 29 натпревари и постигна 12 погодоци и запиша седум асистенции, а интерес за него покажаа бројни европски клубови.

“Нолито одигра одлична сезона и покажа со каков квалитет располага. Мислам дека тој нас ќе не напушти, а неговата цена е позната. Во договорот има откупна клазула која изнесува 18 милиони евра и секој клуб кој ќе ја понуди таа сума може да го доведе без никаков проблем”- изјави претседателот на клубот.

Најсериозен кандидат за доведување на шпанскиот репрезентативец е Манчестер Сити, иако претходно многу се шпекулираше за негов трансфер на “Ноу Камп”.