Ќе го решиме проблемот со отпадот ако го гледаме како ресурс, а не како ѓубре! | Уште еден поткаст ↓↓↓
Милан под водство на Масимилиано Алегри изгледа како сосема различен тим во споредба со минатата сезона. Росонерите станаа кохезивна група, а за промената на менталитетот сведочат и изјавите на Алегри и Рабио по ремито со Јувентус, кои едногласно изјавија дека „изгубиле два бода“. За ова и други теми зборуваше поранешниот играч за врска на Милан, Стефано Еранио, пишува MilanNews.it.
„Да, тој мора да даде нешто повеќе, вака не оди: ставот е клучен, а тој вчера речиси се шеташе… тоа не е добро. Тогаш може да се случи да промаши гол, бидејќи и тоа е дел од фудбалот, да се згреши.
Рафа има физика и сила каква што многумина во Европа немаат, затоа би можел да направи нешто повеќе во однос на желба дури и кога топката е кај другиот тим, а потоа, според мене, додавам дека тој не е ‘деветка’ и нема карактеристики за играње грб кон голот. Леао годинава ризикува многу да седи на клупата, судбината е само во негови раце”, рече Еранио.
„Одличен Габија! Момчето многу се поправи, има неверојатна тактичка интелигенција и расте од натпревар во натпревар. И средниот ред е еден од најинтересните делови на овој тим. Иако, ако шампионот како Модриќ на 40 години сè уште е професор во Серија А, тогаш не знам дали тоа е добро или лошо за нашето првенство. Но, тој е неверојатно интелигентен и многу силен играч, тоа е очигледно”, заклучи тој.
