Goblin Games - Индустријата за Board Games е во огромен подем! ↓↓↓
Лука Модриќ доби овации од публиката за време на неговиот последен настап во дресот на Реал Мадрид на Сантијаго Бернабеу. Иако се очекуваше дека 39-годишниот играч од средниот ред можеби ќе постигне гол во натпреварот против Реал Сосиедад, и дека Килијан Мбапе би можел да му го препушти изведувањето на казнениот удар, на крајот францускиот напаѓач сам ја презеде одговорноста и сигурно постигна гол по одбиената топка.
Мбапе потоа постигна и втор гол, со што со 31 постигнат погодок стана најдобар стрелец на Ла Лига и ја освои престижната награда Пичичи. Неговиот најблизок конкурент беше Роберт Левандовски од Барселона, кој ја заврши сезоната со 25 голови. По натпреварот се појави снимка што ја покажува реакцијата на Модриќ во моментот на досудениот пенал.
Очигледно е дека токму Модриќ прв го повика Мбапе да го изведе казнениот удар, а подоцна на стоперот Раул Асенсио му објасни зошто го направил тоа. “Не, не. Мбапе ја лови Пичичи и Златната копачка”, изјави Модриќ, пренесуваат шпанските медиуми. Во натпреварот за Златната копачка Мбапе сега е во водство пред Виктор Ѓокерес, напаѓачот на Спортинг од Лисабон.
Фотографија: Грок ИИ
