Македонскиот репрезентативец Елиф Елмас пред неколку дена го шокира Милан во дербито против Наполи на „Сан Сиро“, по што почна да добива пофалби од италијанските медиуми, но и од поранешни фудбалери.
Бившиот напаѓач на Наполи, Бепе Инкоцати е уште еден во низата фудбалери кои го пофалија Елмас за неговите настапи, па тој кажа дека Елмас секогаш им ја затвора устата на критичарите.
„Елиф е интересен фудбалер. Секогаш кога некој ќе почне да го критикува, момчето одговара со важен настап како да е лидер на екипата. И нема што повеќе да се каже од тоа што веќе е кажано за него. Елмас има неверојатни технички квалитети и дриблинг“, кажа Инкоцати.
Елмас сезонава постигна шест гола и три асистенции во Серија А и Лига Европа.
