Шанса да станеш YouTuber! Приклучи се! ↓↓↓
Ракометната селекција на Словенија не успеа да се пласира во четвртфиналето на Светското првенство во Египет, откако во решавачкиот меч против домаќинот одиграа 25-25.
Меѓутоа, постои сериозен сомнеж дека Словенците биле затруени пред мечот против Египет. Дури 12 ракометари на селекцијата побарале медицинска помош поради наводно труење, а притоа се јави и ракометната федерација на Словенија.
„Никогаш во ракометната репрезентација не сме барале изговори. Како и секогаш, преземаме одговорност за секој проект. Сигурно можевме и нешто поинаку, дури и подобро, но овој пат навистина објективно и преку ноќ се најдовме во ситуација во која никогаш не сме биле претходно“, соопштија од Словенија.
