Оле Гунар Солскјер на денешната прес конференција откри детали околу заминувањата од Манчестер Јунајтед во последните денови од преодниот рок.
Тој потврди дека Смолинг и Дармијан ќе си заминат во Италија, а откри и зошто се решил да го пушти Алексис Санчез да оди на позајмица во Интер.
„Смолинг во Рома? Таа опција излезе во последните денови и тоа беше одлична можност за Крис. Седнавме и разговаравме, а во моментов ние имаме шест фудбалери кои може да играат како централни стопери и не можев да му ветам дека ќе биде стандарден“ –истакна СОлскјер а потоа се осврна на нападот на Манчестер Јунајтед кој остана покус за Алексис Санчез кој и официјално потпиша договор со Интер.
„Моравме да ја донесеме таа одлука. Јас им верувам на Антони, Маркус и Мејсон и тие ќе бидат нашите напаѓачи. Мејсон не е навикнат да игра толку малку како во овој момент, но се ќе биде во ред“ –заклучи Солскјер.
