Пред дербито, падна најважниот потпис во Манчестер Сити! ↓↓↓
Вардар ќе добие голема помош во мечот од групата Б во Лигата на шампиони против Кил, кој се игра денеска од 17.30 часот, зашто капитенот Стојанче Стоилов се врати во екипата по повредата.
Стоилов во најдобар можен момент доаѓа во тимот на „црвено-црните“, кои ќе имаат тешок предизвик на домашен терен против германскиот гигант.
Капитенот на Вардар отсуствуваше дури четири месеци од терените, откако направи операција на 13 јуни, но конечно е подготвен за борба на пеколниот терен во СЦ „Јане Сандански“.
Вардар е првопласиран во групата Б со шест бода од три меча, втор е Кил со пет бода, а третото место го делат Монпелје и Порто со по четири бода. Виве Кјелце има три бода, Веспрем два, а Мешков Брест и Мотор Запорожје се без бодови.
