Тренерот на Манчестер јунајтед, Ерик Тен Хаг им кажа на своите фудбалери дека нивниот пласман во финале не значи ништо, освен ако не го освојат трофејот во Лига Купот.
Јунајтед и Њукасл на 26 февруари на „Вембли“ ќе го играат финалето, а Тен Хаг најави битка до последен здив за титула.
„Тоа е одлично, но во финале се игра на победа. Пласманот во финале не е доволен. Сакаме да освојуваме трофеи, но имаме и други работи кои треба да ги направиме. Добро е да се пласирате во финале, но сите на крајот зборуваат за победникот“, кажа Тен Хаг.
Јунајтед во моментов е на четврто место во Премиерлигата, а освен во Лига Купот се натпреварува и за трофеите во ФА-купот и Лига Европа.
