До кога ќе дишеме отровен воздух!? | Уште еден поткаст ↓↓↓
Манчестер Сити во дербито на 33. коло од Премиер лигата го победи Арсенал на „Етихад“ и целосно се вклучи во борбата за титулата шампион.
Арсенал го загуби можеби и најважниот натпревар на сезоната. Топчиите беа поразени од Сити и сега ништо не е во нивни раце во борбата за титулата шампион на Англија.
Спектакуларен натпревар беше виден во Манчестер, а лудилото започна во 16-та минута кога Рајан Џерки постигна гол за 1:0.
Сепак, само две минути подоцна на таблата беше 1:1. Џиџи Донарума со неверојатна грешка му подари гол на Кај Хаверц за 1:1.
А потоа во 65-та минута хаос на „Етихад“. Ерлинг Халанд постигна гол за водство на Сити од 2:1.
До крајот на натпреварот имаше многу препирки, многу жестоки дуели. Сепак, Арсенал немаше доволно моќ за да создаде шанса за изедначување се до 95-та минута кога Хаверц промаши уште една одлична шанса.
На крајот остана 2:1 за Сити, кој сега е со минус три зад Топчиите, но со еден натпревар помалку, кој за три дена го играат против Барнли како гости.
