Диск голф го освојува светот, а го нема во Македонија!? ↓↓↓
Голем хаос стана во Италија откако се појави коронавирусот, а тоа најмногу важи за спортски настани.
Втор пат по ред, Италијанците ги одложија повеќето натпревари, што веќе предизвика незадоволство кај некои клубови. Многумина сметаат дека не е фер некои клубови да играат, а некои не, и особено не е во ред за одложените натпревари да се одложат до крајот на сезоната.
Во моментов, тоа е на сила за сите спортски настани во Италија до 8 март, но тоа не важи за Купот на Италија, што се игра оваа недела. На програмата се реваншот од полуфиналето, каде се среќаваат Јувентус – Милан и Наполи – Интер.
Натпреварот во Неапол не е спорен бидејќи нема коронавирус во јужна Италија, но натпреварот во Торино е под лупа. Италијанците направија толкава збрка што моментално е можно да има фанови на овој натпревар.
Италијанските медиуми објавија дека навивачите од региони кои не се погодени од коронавирусот ќе можат да присуствуваат на овој натпревар.
“На навивачите од регионот Ломбардија, Емилија-Ромања и Венето ќе им биде забрането да доаѓаат и тие не можат да ги напуштат своите региони да дојдат на овој натпревар. На навивачите од регионот Пиемонт ќе им биде дозволено да влезат на стадионот”, рече гувернерот на Пиемонт Алберто Кирио.
Сепак, оваа одлука сè уште не е конечна и постои шанса натпреварот да се игра пред празните трибини или да се одложи. Конечната одлука за натпреварот Јувентус – Милан треба да се знае утре.
