Европската фудбалска унија (УЕФА) испрати писмо до Фудбалскиот сојуз на Србија поради сомнеж за наместени натпревари.
УЕФА забележала сомнителни уплати во Европа и Азија, а Фудбалскиот сојуз на Србија испрати документи и наводни докази за наместен меч.
На една од двете уплати бил и конечен резултат, што јасно зборува дека до детали биле договорени клубовите.
Случајот во моментов го води Фудбалскиот сојуз на Србија, со помош од УЕФА, а Дисциплинската комисија треба да донесе конечна казна за тимовите.
Казни за клубовите може да бидат од парични до одземање на бодови, додека на фудбалерите им следи суспензија.
