Уго Лорис го продолжи договорот со Тотенхем


Вака се слави гол во 120-та минута!!! ↓↓↓


Францускиот голман Уго Лорис нема намера да го напушти Тотенхем, откако стигна во екипата пред 10 години од Лион за речиси 13 милиони евра и се покажа како вистински погодок за лондонскиот тим.

Иако има 35 години, сепак и понатаму брани на врвно ниво во Тотенхем, но и француската репрезентација, па поради тоа лондонскиот клуб му понуди нов договор.

Лорис со Тотенхем има договор до крајот на сезоната и се шпекулираше дека може да го напушти тимот по 10 години, но тоа нема да се случи.

Тотенхем потврди дека Лорис реши да го продолжи својот договор и тоа до 2024 година, а италијанскиот тренер Антонио Конте јасно му порача на раководството пред неколку недели дека сака да го задржи Французинот.