Ван Гал даде отказ: Не ми е гајле кој ќе стане светски шампион!


Уште еден поткаст! Fat Cacko: Од гитара до Fat kitchen bistro и најдобриот бургер во градот ↓↓↓


Холандија остана без селектор, откако Луј Ван Гал си поднесе оставка по поразот на пенали од Аргентина во четвртфиналето на Мундијалот во Катар.

Ван Гал кажа дека е време да си замине од репрезентацијата, која ја предводеше по третпат во неговата богата кариера.

„Нема да останам. Ова е мој последен натпревар. Не загубивме ниту еден меч, не знам колку добивме, но може да проверите на ‘Гугл’“, кажа 71-годишниот Ван Гал.

Холандија под негово водство во последниот мандат запиша 16 победи, шест ремија и ниту еден пораз, при што гол-разликата беше 51-17.