Се за новиот формат во Лигата на Шампиони! ↓↓↓
После ремито од 0:0 кај Лестер, тренерот на Арсенал Арсен Венгер рече:
„Можевме да извлечеме повеќе, имавме шанси. Лестер влезе многу директно, а на нас ни требаше храброст да играме без грешки и така им даваме шанси од контри. Лестер е ментално многу силна екипа, затоа и беа шампиони“.
„Да, имавме баш добри шанси. Ни недостасуваше брзина и таа клучна топка, завршен пас. Жиру не е сосема спремен, а и на Озил му требаат уште седум дена. Канте е Канте, имаше голем впечаток, но Лестер и понатака ја има таа голема одлучност“.
„Трошењето на пари не е некој квалитет. Спремни сме да потрошиме, би потрошил 300 милиони фунти да имам 300 милиони фунти и да пронајдам вистински играч. Но клубот има 600 вработени, а тоа е голема одговорност“.
„Смешно е после натпреварот да зборуваме за пари, наместо за игра. Но, така е тоа денес, под влијание на медиумите…а никој, да речеме, не зборува за играта на Холдинг. Па би требало да бидете воодушевени од него, бидејќи е Англичанец! Но, можеви вас не ви е интересен бидејќи чини 55 милиони фунти“, ги критикуваше Венгер медиумите.
А играчите ги отфрлија тврдењата на домаќините кои два пати бараа пенал. Дринквокер падна после стартот на Кошчелни, кој рече:
„Мислам дека малку ја турна топката и дека не беше пенал. Лестер играшд добро на контри…“
А Хектор Бељерин се бореше со живчаниот Муса.
„Падна, сакаше да изнуди пенал, тоа е исправна одлука на судијата“.
И Вегер зборуваше за двете ситуации:
„Не знам, морам да ги погледнам снимките…, но играчите на Лестер сакаат да испровоцираат пенал, затоа и толку многу ги добија во минатата сезона“.
