Диск голф го освојува светот, а го нема во Македонија!? ↓↓↓
Клубот од Бирмингем во минатата сезона испадна во понизок ранг, а тоа е најлоша сезона во историјата на клубот во ПЛ.
Ди Матео ја превзеде клупата на тимот, за асистент го постави Стив Кларк, а веќе тргнаа и да ја засилуваат ротацијата.
Стигнаа Елфик (Борнмаут), Голини (Верона), Шибола (Рединг) и Рос Мекорман, за чии услуги на сметката на Фулам се уплатени 12 милиони фунти.
Сега на „радарот“ на клубот е играчот за врска на Болоња Амаду Дијавара.
Дефанзивниот играч за врска од Гвинеја ќе дојде како замена за Гаја отиде во Евертон, а како што Џанлука Ди Марзио јавува, клубот од Бирминген е спремен на Болоња за неговите услуги да понуди 17 милиони евра.
Дијавара одигра одлична сезона во Серија А, а дресот на Болоња го облече во 34 наврати.
Има само 19 години, а кариерата ја почна во фудбалскиот клуб Сан Марино, кој настапува во третиот по ранг натпреварување во Италија.
За него голем интерес покажуваа и Наполи и Рома, но самиот фудбалер изјави дека повеќе сака да остане на Чизмата.
Астон Вила внимателно ја следи ситуацијата, а е евидентно дека Ди Матео сериозно „загриза“ за младиот играч за врска.
