Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст ↓↓↓
Кошаркарската репрезентација на Србија доживеа голем срам на Европското првенство во Рига. Тие беа поразени во осмина-финалето од екипата на Финска со 92:86, и така прерано го напуштија натпреварот во Латвија каде што се сметаа за најголеми фаворити за освојување на златниот медал на овој турнир.
Србија разочара, целата нација остана разочарана. Толку многупати се повторуваат овие зборови изминативе денови што би можеле да добијат и многу поголеми пропорции во иднина, но увидео… Треба да се оди постепено, полека, и да се почека крајот на септември и статусот на новиот селектор.
Се разбира, има и такви кои се радуваат на испаднувањето на Србија, и тука не мислиме на останатите репрезентации на турнирот, туку на екипата на Денвер Нагетс. Како што пишува на страницата “Nugg Love”, нивниот новинар Џои Мистрета истакнува дека тоа што Србија испадна може да биде исклучително добро за Нагетсите.
– По одличниот старт на турнирот, Србија во сабота доживеа шокантен пораз од Лаури Марканен и Финска. Резултатот беше толку изненадувачки што дури и официјалниот профил на ФИБА Евробаскет на мрежата X овој пораз го нарече ‘изненадување на векот’ – пишува Џои Мистрета.
Потоа тој се осврна и на Нагетсите.
– Во Денвер сигурно посакуваа Јокиќ да блесне на Европското првенство. Клубот ги посакува најдобрите за својата суперѕвезда, а на Јокиќ учеството на овој турнир му е многу важно. Веројатно е фрустриран по шокантниот пораз од Финска. Овој пораз може дополнително да го мотивира Јокиќ пред наредната НБА сезона. Србија доживеа сличен шок и на Евробаскетот 2022, а Јокиќ потоа ги предводеше Нагетсите до НБА титулата. Иако ништо не е загарантирано, можно е да нè чека слично сценарио и годинава.
